2015年1月12日 星期一

2014年9月 SC 期權行使

見兩位blog友對我係 2014年為何會有負期權金好有興趣, 所以係到比多d資料大家, 先方便再討論下去. 以下我拿 9月份負成 9千多元做說明:



時間軸:
1. 2014年年頭 我手上有一手 941
2. 3月尾時插過落低位
3. 5月尾左右回升番年頭水平
4. 6月時因一籃子因素, 我決定唔再持有 941作收息用
    但當時又唔想現價賣出去, 想等回本後先賣, 即賣出價 > 82左右
5. 所以我係 6月20日做左一張 9月到期的 SC @ 82.50 收期權金 0.52
    意思係 如果 941 係 9月尾前升穿 82.50, 我就好像用了 83.02 賣左一手出去咁
    如果冇升穿 82.50, 我都已經收到了 0.52 期權金
6. 正如大家見到上圖, 9月頭的 941直升上 100 樓上
7. 係 9月3日除息日前 我的 SC被行使了, 我用左行使價 82.50 賣出了一手的 941

以上就係 6月-9月時發生的流程, 說實在我真的唔覺得我有預測任何後市.
我只係用了期權的特性, 去實實在在地執行我的指令 (當然我的指令唔代表一定對).

而另大家最關心的負期權金是怎樣來的呢?

入賬的方法:
A. 係 6月20日入賬收到的期權金 0.52 x 500 = 260
     係 9月3日入賬收到賣貨的現金 82.50 x 500 = 41250
B. 係 9月3日被行使後才入賬收到的期權金 0.52 x 500 = 260
     係 9月3日入賬收到賣貨的現金 82.50 x 500 = 41250
C. 係 9月3日入賬"用當日收市價"賣貨的現金 101.70 x 500 = 50850
     係 9月3日入賬"用當日收市價-行使價"的差價 = 41250 + 260 - 50850 = -9340

以上三種方法的總金額都係 41510, 如果用 A或 B入賬, 其實大家就會見到長期正數的現金流. 但我覺得咁入賬法有少少自欺欺人的感覺. 雖然期權係成功執行了我的指令, 但我的指令係咪正確呢? 有冇改善的空間? 這個 C的入賬方法 更能令我反思. 當然用了這種入賬方法後, 這筆負 9千多元的數未必屬於現金流 / 被動收入這個種類了, 標題可能改一改好d.

至於點解我會想用期權賣貨, 係到扮大戶, 係咪真係有需要/必要呢?

這方面就要從我的性格解釋, 我並不是一個有執行力的人, 我只係一個好典型的散戶.
如果唔用期權定下行使價同時限, 我好有機會會係82.50 樓下已經賣左, 亦有可能見佢大升後, 到現在都未賣. 但冇人可預測後市, 正所謂有早知冇乞兒.
我需要一種工具幫我係已定下的價格 慢慢入貨/沽貨, 而股票期權同月供股票就係近年我找到的工具.

歡迎大家不同的觀點.

2 則留言:

  1. 都冇蝕9千幾,反映唔到真實情況喎
    我覺得要計埋你係幾錢買貨,幾錢俾人call走個差價,再加返期權金,咁先會反映到實際賺蝕,
    唔應該用被人call走當日既收市價會好d

    回覆刪除
  2. 係呀其實冇蝕到, 只係根據我的指令(>82就賣) 比較起九月頭先賣 就賺少左9千幾咁姐
    都明白現在這樣入脹未係最好, 但暫時這樣有助我反思自己的指令有冇改進的地方.
    所以用住先

    回覆刪除