唔洗用一分錢 就買到優質樓花

上星期經朋友介紹, 馬來西亞有個樓盤做內部認購, 這樓盤之前幾期都係一公開發售就短期沽清, 條件優質 (地點好, 交通方便, 近市中心, 係少數擁有大型商場, 辦公室, 住宅的綜合性社區. 另住宅單位數量不多 供應有限) 再加上內部認購有折扣優惠, 左看右看都係一個安全的投資, 所以第一時間了解下資料先：

• 興建中, 發展商係頂級上市公司
• 之前幾期會係 2014-2016 陸續完成
• 現發售個期 就要等 2017 先完成
• 永久業權, 附設一個車位
• 數日內要選擇單位及支付訂金 (3%)
• 按揭一般可做七成 當地息率現約 4.2%
• 馬來西亞物業只可在轉名後沽出 (不能摩貨)
• 五年後 (2018) 賣出不用俾產業盈利稅
• 付款形式：
• 可做按揭 即時開始供款, 售價可減 6%
• 可做按揭 交收後才供款, 建築期內 發展商代付利息
• 建築期內 按進度直接支付現金
• 付款時間 按建築進度支付：
• 現金 - 數日內訂金 3%
• 現金 - 大約六個月後 10%
• 現金 - 再過六-九個月後 10%
• 按揭或現金 - 之後分十幾期, 每數月支付部份
• 未來租金收入 5-6% 物業升值潛力高

了解完資料後, 再計下數就會發現, 做按揭借盡由發展商代付利息, 這形式係最好的. 因這樣被鎖死四年的資金就最少了, 而且就算建築期長左都唔會失預算. 到建築完成時才用一筆現金來減低按揭利息再出租, 以收正現金流.

奈何按揭方便我好有可能只申請到六成, 三成幾現金被鎖死四年對我來說有一定風險 (既未有租金收入亦不能賣出), 想來想去都係安全至上 先放棄這次機會 等下次吧. 四年咁長, 乜事都可以發生 都係唔好計得太緊好d.

正當我已經放棄的時候, 有另一個朋友打黎 (我地係同一個 What's App group 一齊了解資料, 佢見我問左好多問題, 所以知我有興趣), 原來佢好想買, 但因為佢係退休人士做唔到按揭, 要全數支付又難難地, 所以想找兩三個人夾份聯名買入. 因為當時我已經處於放棄狀態 (夾份d錢都要鎖四年啦 同咁急去邊找第三個人夾呀), 在無細想的情況下, 閒聊幾句就收線.

本來件事咁就完結的, 但個樓盤實在吸引, 而且 What's App group 中也一直有人發問, 我的興趣又回來了, 覺得了解多d先啦 這些知識下次可能用得著. 這時我才再次消化我個朋友的說話, 佢有資金做唔到按揭, 而我就冇資金做到按揭. 咁我地兩個夾咪得囉：一人一半, 業權 50:50, 我做一半按揭, 佢出一半現金, 雙嬴. 一想到這裡就打電話同佢傾埋細節, 大家都覺得冇問題後, 就選好單位, 支付訂金, 限期完前半日攪店. ^^

現在這四年內我不用比任何現金, 只需做一個按揭, 按揭利息就由發展商代付, 到建築完成時我已經擁有一個住宅單位的一半業權, 到時先再決定出租定出售都未遲.